Bugun, 22-avgust kuni Toshkent shahrida bo‘lib o‘tayotgan Prezident va tadbirkorlar uchrashuvida davlat rahbari soha vakillarini qo‘llab-quvvatlash yuzasidan 5 ta yo‘nalishda tashabbuslarni bildirdi.

Birinchi yo‘nalish – korxonalarni toifalarga ajratib, ularni qo‘llab-quvvatlash bo‘yicha alohida yondashuvni belgilash.

Bunda, korxonalar yillik aylanmasi bo‘yicha toifalarga ajratiladi.

Bular:

– 1 milliard so‘mgacha bo‘lgani – mikro biznes;

– 10 milliard so‘mgacha bo‘lgani – kichik biznes;

– 100 milliard so‘mgacha bo‘lgani o‘rta biznes toifasiga kiradi.

Shundan kelib chiqib, 2023-yil 1-yanvardan boshlab mikro biznes uchun aylanmadan olinadigan soliqning amaldagi 4 foizdan 25 foizgacha bo‘lgan stavkalari o‘rniga yagona 4 foizli soliq stavkasini joriy etish belgilanmoqda.

Qayd etilishicha, bunda, olis hududlardagi va alohida toifadagi tadbirkorlar uchun amaldagi 1 va 2 foizli stavkalar saqlab qolinadi.

Yoki, ular ixtiyoriy ravishda yiliga 20-30 million so‘m to‘lasa, buxgalteriya hisobini yuritish va soliq idoralariga taqdim etish majburiyatidan ozod etiladi.