Ozarbayjondagi Prezidentlik saylovining dastlabki natijalari e’lon qilindi
![Ozarbayjondagi Prezidentlik saylovining dastlabki natijalari e’lon qilindi](https://xabar.uz/static/crop/3/4/920__95_3432101179.jpg)
7-fevral, chorshanba kuni Ozarbayjon Markaziy saylov komissiyasi raisi Mazohir Panaxov mamlakatda o‘tkazilgan navbatdan tashqari Prezident saylovining dastlabki natijalarini e’lon qildi.
Azertag nashrining yozishicha, Prezidentlik saylovida haqiqiy deb topilgan ovozlar soni 4 mln 651 ming 473 nafar (93,35 foiz)ni tashkil etgan. Ushbu ovozlar nomzodlar o‘rtasida quyida ko‘rsatilgan tarzda taqsimlangan:
- Aliyev Ilhom Haydar o‘g‘li – 4 mln 281 ming 625 ovoz (92,05);
- Aliyev Fuad Agasi o‘g‘li — 24 ming 799 ovoz (0,53 foiz);
- Hasanguliyev G‘udrat Muzaffar o‘g‘li – 81 ming 799 ovoz (1,76 foiz);
- Musayev Elshad Nabi o‘g‘li – 31 ming 33 ovoz (0,67 foiz);
- Mustafo Fozil G‘azanfar o‘g‘li — 92 ming 980 ovoz (2 foiz);
- Nurullayev Rozi G‘ulamali o‘g‘li – 37 ming 386 ovoz (0,80 foiz);
- O‘ruj Zohid Maharram o‘g‘li – 101 ming 851 ovoz (2,19 foiz).
Mazohir Panaxovning ta’kidlashicha, hali ovoz berish qog‘ozlari yetib kelmagan oz sonli uchastkalar ham bor va ulardagi ovozlar ham sanab taqsimlanadi.
9-fevral kuni esa saylov natijalari bo‘yicha so‘nggi ma’lumot e’lon qilinadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter