Toshkent–Chorvoq yo‘lining ayrim qismlarida tezlik 80 km/soatga tushiriladi
Yo‘l-transport hodisalari ko‘paygani sabab Toshkent–Chorvoq avtomobil yo‘lining ayrim uchastkalarda ruxsat etilgan tezlik 100 km/soatdan 80 km/soatgacha pasaytirildi. Tegishli qarorni Toshkent viloyati xalq deputatlari kengashi qabul qildi.
Cheklovlar 4R-12 yo‘lining aholi punktlaridan tashqari joylashgan Yuqori Chirchiq va Bo‘stonliq tumanlaridagi bir qator kilometrajlarda joriy etildi.
Ma’lumot uchun, Toshkent viloyatidagi davlat ahamiyatiga moliq D 012 «Bektemir sh.-Chirchiq sh.-G‘azalkent sh.-Chorbog‘ qo‘rg‘oni» avtomobil yo‘lining 19-74 kilometrlari oralig‘ida belgilangan tezlikka amal qilmaslik oqibatida 2025 yilda jami 63 ta yo‘l-transport hodisasi sodir etilgan. Natijada 15 nafar fuqaro vafot etgan va 50 nafar fuqarolar tan jarohati olgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter