Toshkentda «Otliq kavaleriya paradi» bo‘lib o‘tadi
«Navro‘z» umumxalq bayrami munosabati bilan 18-mart kuni poytaxtda «Otliq kavaleriya paradi» o‘tkaziladi. Bu haqda Toshkent shahar hokimligi ma’lum qildi.
Shu munosabat bilan bugun soat 17:00dan 18:00ga qadar bir necha ko‘chalar qisman yopiladi.
Jumladan:
– «O‘zbekiston mehmonxonasi» avtoturargohidan Maxtumquli ko‘chasi bo‘ylab Amir Temur xiyoboni aylanma yo‘ligacha va ushbu aylanma yo‘l;
– Amir Temur xiyobonidan Amir Temur shoh ko‘chasi bo‘ylab Alisher Navoiy ko‘chasi bilan kesishmasigacha;
– Amir Temur shoh ko‘chasi va Alisher Navoiy ko‘chasi kesishmasidan «Hyatt regency» mehmonxonasi avtoturargohigacha.
Hokimlik haydovchilardan aylanma yo‘llardan foydalanishni so‘ramoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter