2023-yilning eng arzon flagmani taqdim etildi — Moto X40
Motorola kompaniyasi (Xitoy) Snapdragon 8 Gen 2 protsessorida ishlovchi Moto X40 flagman smartfonini taqdim etdi. Android Authority yozishicha, bu 2023-yilda sotuvga chiqariladigan flagmanlar orasida eng arzoni.
Qurilma 6,7 dyuymli OLED-ekranga ega (Full HD+), yangilanish sur’ati — 165 Gs.
Asosiy va ultrakengburchakli kameralari — 50 MP, qo‘shaloq optik yaqinlashuvni ta’minlovchi teleob’yektivi — 12 MP. Frontal kamerasi — 60 MP.
Moto X40 smartfoni 15 Vt tezkor simsiz quvvatlash hamda 125 Vt tezkor simli quvvatlash imkoniyatiga ega. Akkumulyatori — 4 600 mAs. Uning 50 foiz to‘lishi uchun 7 daqiqa sarflanadi.
Narxi:
- 8/128 GB — 490 dollar
- 8/256 GB — 530 dollar
- 12/256 GB — 575 dollar
- 12/512 GB — 620 dollar.
Smartfon 22-dekabrda Xitoyda sotuvga chiqadi. Global bozorda 2023-yil boshida paydo bo‘lishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter