Ekvadordagi eng yirik qamoqxona rahbari o‘ldirib ketildi
Ekvadordagi eng yirik qamoqxona direktori vazifasini bajaruvchi Mariya Ikasa noma’lum shaxslar tomonidan o‘ldirib ketildi. Guayakil politsiyasi voqea haqida X ijtimoiy tarmog‘ida xabar berdi.
Politsiya tergovni boshlab, jinoyatchilarni aniqlashga kirishgan.
El Universo gazetasi yozishicha, Guayakil viloyatida joylashgan El Litoral qamoqxonasi (Guayas №1 penetensiar markazi) direktori v.b. Mariya Ikasa ketayotgan avtomobilni noma’lum shaxslar o‘qqa tutgan. Ikasa yo‘lovchi o‘rindig‘ida bo‘lgan.
So‘nggi yillarda Ekvadorda jinoyatchilik keskin o‘sishi kuzatilmoqda. 2023-yil iyulida, bir kunning o‘zida bir nechta isyon ko‘tarilgani sababli, mamlakatning barcha qamoqxonalarida 60 kunlik favqulodda vaziyat joriy etilgandi. 9 yanvar kuni Ekvador prezidenti Daniel Noboa mamlakatda ichki qurolli nizo mavjudligini tasdiqlovchi farmonga imzo chekib, 22 ta jinoiy guruhni yo‘q qilishni buyurgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter