Eng ko‘p tug‘ilish qaysi hududlarda ekani aytildi
Davlat statistika qo‘mitasi tug‘ilish koeffitsiyenti eng yuqori bo‘lgan tuman va shaharlar ro‘yxatini taqdim qildi.
Unga ko‘ra, 2022-yilning 1-oktyabr holatiga respublikamiz tuman va shaharlari orasida har 1000 doimiy aholisiga nisbatan tug‘ilish koeffitsiyenti eng yuqori bo‘lgan hududlar «uchtaligi»ni – Guliston (71,7 ta), Chiroqchi (43,6 ta) hamda Navoiy (34,1 ta) shaharlari band qilgan.
Shuningdek, mos ravishda har 1000 doimiy aholisiga nisbatan tug‘ilish koeffitsiyenti:
- Sergeli tumani – 33,1 ta;
- Yangiyer shahri – 33 ta;
- Payariq tumani – 31,6 ta;
- Bandixon tumani – 30,9 ta;
- Jizzax shahri – 30,9 ta;
- Namangan shahri – 30,9 ta;
- Bektemir tumani – 30,4 ta qayd etilgan.
Eslatib o‘tamiz, avvalroq O‘zbekistonda doimiy aholi soni har kuni o‘rtacha 2 ming kishiga oshib, 2022-yilning 1-oktyabr holatiga doimiy aholi soni 35,8 mln. kishini tashkil etgani ma’lum qilingan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter