O‘zbekiston Iroqqa yangi elchisini jo‘natdi
O‘zbekistonning Iroqda yangi tayinlangan Favqulodda va Muxtor elchisi (qarorgohi Al-Kuvayt shahrida joylashgan) Ayubxon Yunusov ushbu mamlakat Prezidenti Abdullatif Rashidga ishonch yorliqlarini topshirdi.
Tantanali marosimdan so‘ng bo‘lib o‘tgan muloqot avvalida Iroq yetakchisi Abdullatif Rashid Prezident Shavkat Mirziyoyev bilan xalqaro tadbirlar doirasida bo‘lib o‘tgan suhbatlarini iliq taassurotlar bilan yodga oldi.
Suhbat yakunida prezident Abdullatif Rashid O‘zbekistonning Iroqdagi elchisi tayinlanganligi munosabati bilan tabriklab, uning mas’uliyatli faoliyatida ulkan muvaffaqiyatlar tiladi.
Eslatib o‘tamiz, Ayubxon Yunusov 2024-yil 6-fevral kuni O‘zbekistonning Kuvaytdagi elchisi sifatida Al-Kuvayt shahriga tashrif buyurgan edi.
Manba: dunyo.info
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter