Ўзбекистон Миллий университети Истанбул университети билан ҳамкорлик қилади
Жорий йилнинг 25 апрель куни Мирзо Улуғбек номидаги Ўзбекистон Миллий университетида «Туркия ва Ўзбекистон ўртасидаги ижтимоий-иқтисодий ва маданий муносабатларнинг ривожланиши» мавзусидаги халқаро илмий-анжуман бўлиб ўтди.
ЎзМУ халқаро бўлими ва иқтисодиёт факультети «Иқтисодиёт назарияси» кафедраси ташаббуси билан ташкил этилган анжуманда икки мамлакат ўртасидаги таълим, иқтисодиёт ва молия соҳаларидаги ҳамкорлик, тарихий алоқалар ҳамда диний муносабатлар муҳокама қилинди. Туркия ва ўзбекистонлик ўқитувчилар ўртасида тажриба алмашиш, грант лойиҳаларни амалга оширишга келишиб олинди.
Келишув доирасида ўзбекистонлик ўқитувчилар Туркиянинг Istanbul Sabahattin Zaim университетида ўз малакаларини ошириб қайтишлари мумкин бўлади.
Шунингдек, ЎзМУ профессор-ўқитувчилари учун Istanbul Sabahattin Zaim университети томонидан ёзги мактаб ташкил этилиб, мастер-класслар ўтилиши режалаштирилган.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter