Turin politexnika universiteti oldidagi janjalda bir talaba vafot etdi
Internet tarmog‘ida 18 yoshli talabaning vafoti to‘g‘risida xabar tarqaldi. Mazkur fakt bo‘yicha Toshkent shahar IIBB bayonot berdi.
Ma’lum bo‘lishicha, 25-noyabr kuni Turin politexnika universitetining darvozasi yonida bir nechta yosh yigitlar uchrashishgan. Kelishmovchilik natijasida 18 yoshli A.R. (talaba emas) 18 yoshli Sh.R.ning (Turin politexnika universiteti talabasi) yuziga musht bilan urgan.
Zarba natijasida Sh.R. yerga yiqilgan va yetgan shikastlar oqibatida hayotdan ko‘z yumgan. Mazkur fakt asosida Jinoyat kodeksining 104-moddasi 3-qismi («Qasddan badanga og‘ir shikast yetkazish») bo‘yicha jinoyat ishi qo‘zg‘atildi.
Gumonlanuvchi qo‘lga olindi, tergov davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter