Germaniya prezidenti Frank-Valter Shtaynmayer O‘zbekistonga keladi
Germaniya prezidenti Frank-Valter Shtaynmayer Osiyoga besh kunlik safar qiladi. Prezident devoni ma’lumotiga ko‘ra, tashrif doirasida Indoneziya, Filippin va O‘zbekistonga tashrif rejalashtirilgan.
Shtaynmayerga rafiqasi Elke Byudenbender hamda biznes vakillari hamrohlik qiladi.
Shtaynmayer safari yakunlanadigan so‘nggi manzil O‘zbekiston poytaxti Toshkent bo‘ladi. Bu yerda prezident Germaniyaning GP Günter Papenburg qurilish kompaniyasi filialiga va boshqa bir qator obyektlarga tashrif buyurishi rejalashtirilgan.
Tashrif davomida asosiy mavzulardan biri malakali ishchi kuchi migratsiyasi bo‘lishi kutilmoqda.
Prezident devoni ma’lumotiga ko‘ra, O‘zbekistonda nemis tilini Osiyodagi boshqa har qanday davlatga qaraganda ko‘proq o‘rganishadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter