Shavkat Mirziyoyev Indoneziya xalqiga hamdardlik bildirdi
Prezident Shavkat Mirziyoyev 6-avgust kuni Indoneziyaning Lombok orolida ro‘y bergan kuchli zilzila oqibatida ko‘plab insonlar halok bo‘lgani munosabati bilan Indoneziya xalqi va Prezident Joko Vidodoga ta’ziya izhor etdi. Bu haqda Prezidentning matbuot xizmati xabar berdi.
Prezident, shuningdek jarohat olganlarning tez orada sog‘ayib ketishiga tilak bildirdi.
Eslatib o‘tamiz, Indoneziyada yetti balli zilzila sodir bo‘lgani haqida xabar bergan edik.
Tabiiy ofatlar qurbonlari soni 91 kishidan oshgani, 200dan ziyod kishi jiddiy jarohatlangani ma’lum qilingandi. So‘nggi xabarlarga ko‘ra, qurbonlar soni oshib bormoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter