Shavkat Mirziyoyev mudofaa tizimining eng asosiy jihatini aytdi
![Shavkat Mirziyoyev mudofaa tizimining eng asosiy jihatini aytdi](https://xabar.uz/static/crop/2/2/920__95_2218452539.jpg)
O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyev bugun, 28-iyul kuni Toshkent shahri Mirobod tumanidagi harbiy qismga tashrif buyurdi. Bu haqda Prezident matbuot xizmati xabar berdi.
Davlat rahbariga harbiy qismda amalga oshirilgan ta’mirlash ishlari, mudofaa tizimidagi aloqa tarmoqlarini modernizatsiya qilish, jangovar va o‘quv-tayyorgarlik jarayonini avtomatlashtirishga doir loyihalar haqida ma’lumot berildi.
«Mudofaa tizimida eng asosiysi — aloqa. Bu tizimni zamonaviy axborot-kommunikatsiya texnologiyalari bilan ta’minlash, aloqa xavfsizligini chuqur biladigan mutaxassislar tayyorlash bo‘yicha yangi strategiya ishlab chiqish kerak», dedi Shavkat Mirziyoyev.
![](http://static.xabar.uz/uploads/1/720__w0025n7nJwtrjrccM7KnV-zDysc0gb4u.jpg)
Foto: «President.uz»
Askarlar orasidan texnik-muhandislik qobiliyatga ega yoshlarni saralab olish, aloqachi mutaxassislar tayyorlashga ixtisoslashgan o‘quv yurtlaridagi ta’lim va amaliyot dasturini takomillashtirish, harbiylarni zamonaviy raqamli texnologiyalar bo‘yicha o‘qitish yuzasidan topshiriqlar berildi.
Davlatimiz rahbari mudofaa vazirligi qo‘shinlarida mavjud aloqa texnikalari namunalari bilan ham tanishdi. Harbiy qismda askarlarning xizmatni o‘tashi va yashashi uchun yaratilgan sharoitlarni ko‘zdan kechirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter