«Inter» 20-marta Italiya chempioni bo‘ldi
Italiyada bo‘lib o‘tgan Milan derbisi mamlakatning yangi chempionini aniqlab berdi. Nominal mehmon maqomidagi «Internatsionale» mavsumning o‘ta muhim va prinsipial o‘yinida azaliy raqibi — «Milan»ni dog‘da qoldirib, muddatidan avval chempion bo‘ldi. Franchesko Acherbi (18) va Markus Tyuram (49)ning gollariga rossonerilar 80-daqiqada bitta gol (Fikayo Tomori) bilan javob qaytara olishdi.
E’tiborli jihati, qatorasiga oltinchi derbida «Milan» «Inter»ga imkoniyatni boy berdi. A seriyadagi chempionliklar bo‘yicha ham «Inter» (20 marta) «Milan» (19 marta)dan o‘zib ketdi. A seriya tarixidagi yaqqol peshqadam — «Yuventus» 36 marta chempion bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter