Apellatsiya arizalarini qabul qilish muddati e’lon qilindi
![Apellatsiya arizalarini qabul qilish muddati e’lon qilindi](https://xabar.uz/static/crop/2/3/920__95_235371172.jpg)
Oliy ta’lim muassasalarining bakalavriat ta’lim yo‘nalishlariga kirish test sinovlari natijasidan norozi bo‘lgan abituriyentlar apellatsiya arizalarini my.uzbmb.uz saytida (shaxsiy kabineti orqali) onlayn tarzda 18 avgustdan 27 avgustga qadar (10 kun davomida) berishlari mumkin.
Abituriyent apellatsiya shikoyati berishi uchun test sinovida ishtirok etgan va test sinovidan chetlatilmagan bo‘lishi lozim.
Apellatsiya arizasini bergan abituriyentga uni ko‘rib chiqish sanasi va vaqti ko‘rsatilgan xabarnoma beriladi.
Abituriyent xabarnomada belgilangan vaqtda shaxsini tasdiqlovchi hujjat va xabarnoma bilan Bilimni baholash agentligiga kelishi kerak.
Apellatsiya shikoyatlarini ko‘rib chiqish 2024 yil 22 avgustdan boshlanadi.
Eslatib o‘tamiz, avvalroq 2024−2025 o‘quv yili uchun OTMning bakalavriat bosqichi kirish imtihonlari bo‘yicha tanlov natijalari (mandat) e’lon qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter