2025 yil 23 sentyabrdan 26 sentyabrga qadar O‘zbekistonda ICTWEEK Uzbekistan 2025 — axborot-kommunikatsiya texnologiyalari sohasidagi keng ko‘lamli tadbir bo‘lib o‘tmoqda. Dunyoning yetakchi brendlari, mahalliy AKT kompaniyalari, ta’lim muassasalari, xalqaro ekspertlar hamda 50 dan ortiq mamlakatdan tashrif buyurgan ishtirokchilar Sun’iy Intellekt, raqamli transformatsiya va intellektual kelajak sohasidagi dolzarb mavzularni o‘zaro muhokama qilish uchun yig‘ildilar. Huawei kompaniyasi ICTWEEK tadbirining doimiy hamkori sifatida AKT sektorining turli biznes bo‘linmalari, vertikal sanoatlar, shuningdek, aqlli qurilmalar ishqibozlari uchun eng so‘nggi yechimlar va texnologiyalarni taqdim etadi.

2025 yilning 23 sentyabrida CAEx ko‘rgazmalar markazida O‘zbekiston AKT sanoatining yillik asosiy tadbiri ICTWEEK Uzbekistan 2025 o‘z ishini boshladi. Huawei kompaniyasi O‘zbekistonda 25 yildan ortiq faoliyat yuritib, har yili "haftalik"ning asosiy tadbirlarida, shu jumladan ICT EXPO 2025 ko‘rgazmasida ham ishtirok etib kelmoqda. Bu yil an’anaga muvofiq kompaniya operator segmenti uchun yechimlar va mahsulotlarni taqdim etadi. Shuningdek, tezkor ma’lumotlar uzatish tarmoqlari, bulutli xizmatlar, korporativ sektor uchun yechimlar, ma’lumotlarni qayta ishlash markazlari va raqamli energetika sohasi uchun energiya tejamkor innovatsiyalarni namoyish etishga e’tibor qaratadi. Xalqaro hamkorlar bilan birgalikda operatorlik va sanoat segmentlarida, shuningdek, iste’mol yo‘nalishida sun’iy intellekt texnologiyalarini real qo‘llash yechimlari va misollariga alohida e’tibor qaratildi.

ICTWEEK Uzbekistan 2025 haftaligining ochilish marosimida Huawei kompaniyasining O‘zbekistondagi bosh direktori o‘rinbosari janob Xe Chjiyuan tabrik so‘zi bilan yig‘ilganlarni qutladi. U o‘z nutqida ICTWEEK mamlakatda raqamli o‘zgarishlarni jadallashtirish va "Raqamli O‘zbekiston"ning mintaqaviy va global e’tirofini oshirish orqali AKT sohasini yanada rivojlantirishda muhim rol o‘ynashini ta’kidladi.

"Sun’iy intellekt texnologiyalari kundalik hayotimizga chuqur kirib bormoqda va intellektual dunyoni yanada yaqinlashtirmoqda. Qiymatning sezilarli darajada oshishi va uning qo‘llanilish sohalarining kengayishi tufayli sun’iy intellekt unumdorlikni sezilarli darajada oshiradi hamda iqtisodiy rivojlanishga yordam beradi, shu bilan birga turmush tarzimizni o‘zgartiradi va jahon taraqqiyotining harakatlantiruvchi kuchiga aylanadi. Biz "Raqamli O‘zbekiston"ning jadal o‘zgarishlarining bir qismi bo‘lishdan va ICTWEEK 2025 tadbirlarida kuchli AKT infratuzilmasini yaratish shuningdek, Sun’iy Intellekt texnologiyalarini joriy etish orqali raqamli transformatsiya bo‘yicha o‘z qarashlarimizni baham ko‘rishdan faxrlanamiz," — dedi janob Xe

"Raqamli O‘zbekiston"ning jadal rivojlanishi va mamlakat raqamli iqtisodiyotiga qo‘shma hissa qo‘shishning muhimligini hisobga olgan holda, Huawei kompaniyasi O‘zbekiston Respublikasi Raqamli texnologiyalar vazirligi va "IT-ta’lim uyushmasi" NNTning tashkiliy qo‘llab-quvvatlashida 2025 yil 24 sentyabr kuni soat 10:00 da "Digital Economy Forum 2025" raqamli iqtisodiyot forumini o‘tkazadi. Bir qator tematik sessiyalar doirasida sun’iy intellekt davrida iqtisodiyot tarmoqlarini raqamli o‘zgartirishning dolzarb masalalari ko‘rib chiqiladi, shuningdek, yangi tashabbuslar va sheriklikni ilgari surish uchun hamkorlik muhiti yaratiladi. Raqamli texnologiyalar vazirligi, Raqamli iqtisodiyot va sun’iy intellekt tadqiqotlari markazi, Raqamli hukumat loyihalarini boshqarish markazi, UZTELECOM, Uzum, IT Park Uzbekistan, Global Computing Consortium va boshqa tashkilotlar ekspertlari forum ishtirokchilari bo‘ladilar.

Huawei kompaniyasi o‘z ko‘rgazma zonasida telekommunikatsiya sanoati, iqtisodiyotning turli tarmoqlari, sanoat va jamiyat uchun yechimlar hamda texnologiyalarni taqdim etib, raqamli o‘zgarishlarning imkoniyatlarini taqdim qilmoqda.

An’anaga muvofiq, operator segmenti vakillari AKT infratuzilmasini mustahkamlash uchun ilg‘or yechimlar namoyishi bilan tanishishlari mumkin. Bular orasida sun’iy intellektga asoslangan Huawei New Calling va Card-UEN yechimlari mavjud bo‘lib, ular telekommunikatsiya tarmoqlarida ovozli aloqa va ma’lumotlar uzatish xizmatlarini butunlay yangi darajaga ko‘taradi hamda iste’molchi va korporativ sektorlarda aloqa operatorlari uchun yangi biznes imkoniyatlarini ochadi. Ko‘rgazmada Huawei kompaniyasi, shuningdek, Uztelecom va Mobiuz’ga 5,5G texnologiyalarining istiqbolli radiochastota diapazonlaridagi imkoniyatlarini namoyish etishda texnik yordam ko‘rsatmoqda. Bu esa mobil internet tezligining 10 Gbit/s gacha yetishini ta’minlaydi.

Huawei stendida korporativ segment uchun yechimlarga, jumladan, tezkor ma’lumotlar uzatish tarmoqlari, bulutli xizmatlar va sun’iy intellekt texnologiyalariga alohida e’tibor qaratilgan. 5G, sun’iy intellekt, bulutli texnologiyalar, buyumlar interneti va katta ma’lumotlar texnologiyalariga asoslangan sanoatni raqamlashtirish uchun integratsiyalashgan platformalar iqtisodiyotning turli sohalari va sanoat jarayonlarini o‘zgartirish, resurslardan foydalanishni optimallashtirish, past uglerodli ishlab chiqarishni ta’minlash va xavfsiz ulanishlar hamda ma’lumotlarni qayta ishlashni ta’minlash uchun barqaror innovatsiyalarni joriy etish imkonini beradi. Fuqarolar farovonligini hisobga olgan holda, platformalar sog‘liqni saqlash, ta’limni raqamlashtirish jarayonini tezlashtirish va shahar boshqaruvini yanada aqlli qilish imkonini beradi.

Intellektual qurilmalar va gadjetlar ishqibozlari uchun kompaniya avtonomlik va suratga olish sifati yaxshilangan Pura 80 seriyali HUAWEI smartfonlari kabi texnologik yangiliklarni taqdim etadi. Pura 80 seriyasidagi smartfonlar yanada tezroq, barqarorroq va faol hayot ritmini saqlab qolishga tayyor. HUAWEI Pura 80 seriyasida optik kattalashtirish bilan ikki karra zum texnologiyasi joriy etilgan, 4K video suratga olish, 1080r sekinlashtirilgan rejim, giroskopik barqarorlashtirish va 1,5 Mp Red Maple multispektral sensori mavjud, 2-avlod Kunlun Glass shishasi esa 20 barobar mustahkamroq. Stendda taqiladigan qurilmalar, planshetlar va noutbuklar, shuningdek, mashhur Mate X6 buklanadigan smartfoni ham taqdim etiladi.

ICTWEEK Uzbekistan 2025 tadbirining "Gold Partner"i sifatida Huawei kompaniyasi barcha tashrif buyuruvchilarni o‘z ko‘rgazma maydonchasiga taklif etadi hamda 2025 yil 24 sentyabr kuni o‘tkaziladigan "Digital Economy 2025" raqamli iqtisodiyot forumida ishtirok etishga taklif etadi. Shuningdek, "hafta"ning ikkinchi kunida bo‘lib o‘tadigan "Raqamli ta’limda sun’iy intellekt: tasavvurdan ta’sirgacha" ta’lim sammiti davomida Huawei kompaniyasi raqamli iste’dodlarni tayyorlashda ilg‘or texnologiyalarni joriy etishning muhimligi va raqamli ta’limni rivojlantirishda sun’iy intellektning o‘rni haqida ma’ruza qiladi hamda Huawei ICT Academy negizida yangi ta’lim loyihalarini ishga tushirish to‘g‘risidagi yangiliklarni baham ko‘radi.