AQShning B-2A stels-bombardimonchi samolyotlari guruhi Missuridagi bazadan havoga ko‘tarilib, Diyego-Garsiya oroli tomon yo‘l oldi, deb xabar berdi UK Defence Journal.

Hind okeanidagi ushbu orolda AQShning strategik harbiy bazasi joylashgan.

B-2A Spiritlarga 8 ta KC-135 Stratotankers yoqilg‘i quyuvchi samolyotlari hamrohlik qilmoqda. Ular Kanzasda bombardimonchilarga qo‘shilgan. Nashr Isroil-Eron nizosi fonida Pentagon harbiy samolyotlarini mintaqaga jo‘natayotganiga e’tibor qaratdi.

Diyego-Garsiya va Eron o‘rtasidagi masofa — taxminan 4 700 km. Stelslar bir yoqilg‘i quyishda 9 000–10 000 kilometrgacha parvoz qiladi.

Ushbu samolyotlar Eron va Yugoslaviyaga bomba yog‘dirishda qatnashgan.

B-2 Spirit — AQSh arsenalidagi eng qimmat va yuqori texnologiyali samolyotlardan. Lokatorlarga chap bergani uchun ko‘rinmas yoki «arvoh-samolyot» nomini olgan. Oddiy va yadroviy bombalarni, xususan, bunkerlarga qarshi 13 tonnali Massive Ordnance Penetrator (MOP) bombalarini olib ucha oladi.