Erkak yigirma yil davomida miyasida igna bilan yashagani ma’lum bo‘ldi
![Erkak yigirma yil davomida miyasida igna bilan yashagani ma’lum bo‘ldi](https://xabar.uz/static/crop/6/0/920__95_600144429.jpg)
Xitoylik erkak xotira muammosi tufayli shifokorlarga murojaat qildi. Mutaxassislar uni tekshirganda, muammo miya arteriyasidagi igna bilan bog‘liq bo‘lib chiqdi. Erkak u bilan 20 yil yashagan, deb xabar beradi Daily Mail.
Sichuan provinsiyasida yashovchi 74 yoshli bemor xotirasidagi muammolar tufayli shifokorlarga murojaat qildi. Shifokorlar erkakning miyasidagi arteriyaga juda kichik igna tiqilib qolganini aniqlashdi. Bu simptomlarni keltirib chiqaradigan qon ketishiga (psevdoanevrizma) sabab bo‘lgan.
Erkakning qarindoshlari 20 yil avval migren tufayli akupunktur muolajalarini boshdan kechirganini eslashdi. Shifokorlarning fikriga ko‘ra, o‘sha paytda igna ko‘z orqasidagi arteriyaga kirgan bo‘lishi mumkin.
Ignani olib tashlash uchun shifokorlar bemorning bosh suyagining bir qismini kesib tashlashdi. Uni olib tashlash uchun jarrohlik mikroskop kerak edi. Igna bilan shikastlangan qism kichik metall qisqich yordamida yopildi. Operatsiyadan o‘n kun o‘tgach, erkak o‘ziga kela boshladi. Biroq, umumiy behushlik paytida asorat tufayli bemorda o‘limga olib keladigan o‘pka infeksiyasi rivojlandi va operatsiyadan keyin faqat uch hafta yashadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter