Chorshanba kuni Tehronda uyushtirilgan hujumda halok bo‘lgan Hamas siyosiy yetakchisi Ismoil Haniyaning dafn marosimiga minglab odamlar yig‘ildi.

Eron oliy rahbari Oyatulloh Ali Homanaiy janoza namozini o‘qidi.

AQSh OAVlari Eron rasmiylaridan iqtibos keltirgan holda, Oliy rahbar Eron tuprog‘iga hujum uyushtirilgani bois Isroilga to‘g‘ridan-to‘g‘ri zarba berishni buyurganini ma’lum qilgan.

Isroil qotillik haqida to‘g‘ridan-to‘g‘ri izoh bermadi.

Biroq Isroil Bosh vaziri Benyamin Netanyahu uning mamlakati so‘nggi kunlarda o‘z dushmanlariga, jumladan, Tehrondagi nishonga zarbadan bir necha soat oldin Livanda «Hizbulloh»ning yuqori martabali qo‘mondoni o‘ldirgani haqida xabar bergan.

U isroilliklarni «qiyin kunlar oldinda» deb ogohlantirdi, chunki Yaqin Sharqdagi mojarolar yanada kengaymoqda. «Bayrutdagi zarbadan keyin biz har tomondan tahdidlarni eshitdik»,– dedi u televideniye orqali qilgan chiqishida.

BMT Bosh kotibi Antoniu Guterrish mintaqada harbiy harakatlar xavfi kuchayishi haqida ogohlantirdi.

Hamasning qurolli qanoti, guruhning eng yuqori rahbari sifatida ko‘rilgan Haniyaning o‘limi «jangni yangi bosqichga olib chiqishi» va jiddiy oqibatlarga olib kelishini aytdi.

G‘azo sektorida o‘t ochishni to‘xtatish bo‘yicha muzokaralarda katta rol o‘ynagan Haniya Tehronda Eronning yangi prezidenti Mas’ud Pezeshkian inauguratsiyasidan bir necha soat o‘tib o‘ldirilgan.

Hamasning yuqori martabali mulozimining BBCga aytishicha, qotillik aynan Haniyaning Eronga avvalgi tashriflari chog‘ida qolgan binosida sodir bo‘lgan.

Uning so‘zlariga ko‘ra, Hamasning uchta yetakchisi va bir necha qo‘riqchilar u bilan bir binoda bo‘lgan.

Hamasning yuqori martabali rasmiysi Halil al-Hayya matbuot anjumanida o‘zi bilan birga bo‘lgan guvohlarga tayanib, raketa «to‘g‘ridan-to‘g‘ri Haniyaga tushgani»ni aytdi.

Guruh rahbariyati «shok holatida»,– dedi Hamasning yuqori martabali rasmiysi BBCga.