Isroil Mahmud Abbosni G‘azoga o‘tkazmadi
![Isroil Mahmud Abbosni G‘azoga o‘tkazmadi](https://xabar.uz/static/crop/3/3/920__95_3367315939.jpg)
Isroil Falastin prezidenti Mahmud Abbosning G‘azo sektoriga tashrif buyurishiga ruxsat bermadi.
Bu haqda Falastin prezidentining xalqaro aloqalar bo‘yicha maslahatchisi va uning maxsus vakili, vazir Riyod al-Malikiy ma’lum qilgan.
«Biz Isroildan ruxsat so‘ramadik. Shunchaki prezidentning G‘azoga borishini e’lon qildik. Shundan so‘ng Isroilning javobi keldi, ular prezident Mahmud Abbosning G‘azoga kirishiga ruxsat bermasligini aytdi», — deyiladi xabarda.
Bundan oldin Abbos G‘azo sektoriga tashrif buyurish niyatida ekani ma’lum bo‘lgan edi.
Eslatib o‘tamiz, 2023-yil oktyabrdan buyon Isroil agressiyasi oqibatida G‘azoda 40 mingdan oshiq kishi halok bo‘ldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter