Kurdiston ishchi partiyasi Turkiya hukumatiga qarshi harbiy amaliyotlarni vaqtincha to‘xtatdi
![Kurdiston ishchi partiyasi Turkiya hukumatiga qarshi harbiy amaliyotlarni vaqtincha to‘xtatdi](https://xabar.uz/static/crop/3/9/920__95_39000828.jpg)
«Turkiyada taqiqlangan Kurdiston ishchi partiyasi (KIP) mamlakatda o‘tayotgan parlament hamda prezident saylovlari munosabati bilan hukumatga qarshi siyosiy va harbiy harakatlarni vaqtincha to‘xtatib turadi. Bu haqidagi qaror 23-iyun tunidan kuchga kirgan», — deya xabar bermoqda «RIA Novosti».
«Hukumatga qarshi harakatlar 24 soat mobaynida to‘xtatib turiladi. Bundan ko‘zlangan maqsad kurdlarga saylovda qatnashishlari uchun xavfsiz va qulay sharoitlarni yaratib berishdir», — deyiladi partiya bayonotida.
Eslatib o‘tamiz, bugun, 24-iyun kuni Turkiyada muddatidan oldin parlament hamda prezident saylovlari bo‘lib o‘tmoqda. Prezident lavozimi uchun kurashda amaldagi prezident Rajab Toyyib Erdo‘g‘on yetakchilik qilishi kutilmoqda. O‘tkazilgan ijtimoiy so‘rov natijasiga ko‘ra u 47-48 foiz ovoz to‘plab ikkinchi turga yo‘l oladi. Ikkinchi turda unga muxolifatdagi Xalq respublikachilar partiyasidan Muharram Inje raqib bo‘lishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter