Rossiyada mudofaa vaziri sobiq o‘rinbosari Pavel Popov 19 yilga ozodlikdan mahrum qilindi.

Harbiy sud Pavel Popovni barcha ayblovlar, jumladan, juda katta miqdorda pora olish va mansab vakolatini suiiste’mol qilishda aybdor deb topdi, deb xabar beradi TASS o‘z muxbiriga tayanib. Popov 19 yilga qattiq tartibli koloniyada jazoga hukm qilindi va 85 million rubl miqdorida jarimaga tortildi. Shuningdek, u armiya generali unvonidan mahrum qilindi va yetti yil davomida davlat lavozimlarida ishlay olmaydi. 

Popovning advokatlari hukm ustidan apellyasiya berish niyatida.

Popov 2024 yil yozida hibsga olingan. Tergovchilarning fikricha, u Moskva viloyatidagi Vatanparvar bog‘i hisobidan boyib ketgan, uning qurilishi va faoliyati uchun u mas’ul bo‘lgan. Hibsga olinishidan sal oldin Popov mudofaa vaziri o‘rinbosari lavozimini yo‘qotdi va harbiy xizmatdan bo‘shatildi. Popov ishi sobiq mudofaa vaziri Sergey Shoygu bilan ishlagan Mudofaa vazirligining yuqori lavozimli amaldorlarining hibsga olinishidan biridir.