Sherlar makoniga tushib qolgan bola besh kundan so‘ng sog‘-omon topildi
Afrikaning Zimbabve mamlakatida sherlar yashovchi ovchilar parkida yo‘qolib qolgan bola sog‘-omon topildi. Bu haqda Sky News xabar berdi.
Yetti yoshli Tinotenda Pudu qishloqdagi uyidan chiqib ketib, adashib «Matusadona» ovchilar parkiga borib qolgan.
Ko‘p o‘tmay bolani qidirish boshlangan va oradan besh kun o‘tib u topilgan.
Deputat Mutsa Murombedzining aytishicha, sherlar va fillar makon topgan bu hududda bola yovvoyi mevalarni yeb, qoyali tepalikda tunab jon saqlagan. Ko‘ngillilar bolani topish uchun kechasi bilan baraban chalib chiqishgan.
Bola milliy bog‘ning xavfli hududida 49 kilometr masofani bosib o‘tgani aytilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter