АҚШ давлат котиби Марко Рубио НАТО давлатларининг Эронга қарши урушни қўллаб-қувватламаганини «жуда катта кўнгилсизлик» деб атади. Унинг айтишича, ҳарбий амалиёт якунланганидан сўнг Вашингтон алянс билан муносабатларни қайта кўриб чиқиши мумкин.

Рубионинг таъкидлашича, АҚШ миллий хавфсизлигига таҳдид деб баҳоланган вазиятда айрим НАТО давлатлари, жумладан Испания, ўз ҳарбий базаларидан фойдаланишга рухсат бермаган. Бу эса АҚШ учун жиддий саволларни келтириб чиқармоқда.

«Агар НАТО фақат Европани ҳимоя қилиш учун хизмат қилса, лекин АҚШга зарур пайтда ёрдам бермаса, бу яхши келишув эмас», — деди у.

Давлат котиби НАТОнинг АҚШ учун асосий афзалликларидан бири – глобал ҳарбий операциялар учун базаларга кириш имконияти эканини таъкидлади. Агар бу имконият чекланса, алянснинг самарадорлиги шубҳа остида қолиши мумкин.

Маълум қилинишича, март ойи бошида Испания АҚШга ўз базаларидан Эронга қарши зарбалар учун фойдаланишга рухсат бермаган. Шунингдек, Мадрид Америка-Исроил амалиётларида иштирок этаётган самолётлар учун ўз ҳаво ҳудудини ҳам ёпган.

Испания бош вазири Педро Санчес эса бу можарони ҳарбий эмас, дипломатик йўл билан ҳал қилиш кераклигини таъкидлаб келади.