1845 йилда чўкиб кетган «Эребус» кемасидан сочли тароқ топилди
Археологлар чўкиб кетган «Эребус» кемасини ўрганиш чоғида ғайриоддий артефакт – одам сочи қолиб кетган тароқни топдилар.
фото: minio.nplus1.ru
Жон Франклин бошчилигидаги 1845 йилда ғойиб бўлган қутб экспедицияси кемаларидан биридаги топилма мутахассисларда катта қизиқиш уйғотди, чунки у ҳалок бўлган экипаж аъзолари ҳақида маълумот бериши мумкин эди, деб ёзади Н+1 журнали.
Аммо ДНКни ўрганиш генетик материалнинг йўқ қилиниши туфайли керакли натижаларни бермади. Кимёвий таҳлиллар Бичи оролидаги қабрлар ва маълумот намуналари билан солиштирганда баъзи элементларнинг, жумладан магний, марганец, стронций ва қўрғошиннинг таркибида катта фарқларни аниқлади.
Глазго университети мутахассисларининг хулосаларига кўра, тароқ Франклиннинг бошқарувчиси Эдмунд Хоарга тегишли бўлиши мумкин эди. Мутахассислар топилмани XIX аср ўрталарида Шимолий Муз океанини ўрганиш тарихига ойдинлик киритиши мумкин бўлган муҳим артефактлардан бири деб ҳисоблашади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter