Африкалик Гитлер исмини ўзгартирди
Илгари Адолф Гитлер Уунона номи билан танилган намибиялик сиёсатчи Омпунжа округида ўтказилган ҳудудий сайловда бешинчи марта ғалаба қозонди. Овозларнинг 89,6 фоизини тўплаган сиёсатчи яна ҳудудий кенгаш аъзосига айланди.
Аввалроқ у отаси қўйган исмнинг иккинчи қисми — «Гитлер»дан воз кечганди. Энди унинг исми ва фамилияси Адолф Уунона. Namibian Broadcasting Corporation эфиридаги чиқишида у ҳадеб диктатор Адолф Гитлер ва нацистлар Германиясига алоқаси йўқлигини айтишдан чарчаганини таъкидлаганди.
Шов-шув ортидан қувган нашрлар унга тинчлик бермайди. Уунона барчасига нуқта қўймоқчи.
«Сиёсий интилишларимга халақит берувчи исмлар билан боғлашларини истамайман», — деди у BILD нашри билан суҳбатда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter