Амалга ошмаган тинчлик: Трамп Путиндан кўнгли қолганини айтди
Путин ва Трамп Алякада. 2025 йил, август.
АҚШ президенти Доналд Трамп Россия етакчиси Владимир Путиндан жуда кўнгли қолганини айтди. Унинг сўзларини Strana.ua нашри келтирмоқда.
"Менинг жуда ҳафсалам пир бўлди. Минглаб одамлар ҳалок бўлмоқда. Бу уруш ҳеч қандай маънога эга эмас. Президент Путиндан жуда ҳафсаламиз пир бўлди", - деди у радио бошловчиси Скотт Женнингсга берган интервьюсида.
Америка раҳбари, шунингдек, агар у президент бўлганида Украинадаги можаро бошланмаслигини яна бир бор таъкидлади. Трамп Жо Байденга ютқазган 2020 йилги АҚШ президентлик сайловларини “сохталаштирилган” деб атади.
Аввалроқ Fox News мухбири Жеки Гейнрих Трамп АҚШ Мудофаа вазирлигига нисбатан баёнот билан чиқишини айтган эди. У Оқ уй матбуот котиби Керолин Лэвиттнинг маълумотларига асосланиб хабар тарқатган.
Эслатиб ўтамиз, ўтган август ойида Трамп Путин, Зеленский ва Европа раҳбарлари билан қатор учрашувлар ўтказди. Ҳатто Путин билан юзма-юз учрашув ҳам тинчликка олиб келмади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter