АҚШда қадимий скелет 50 миллион долларга сотилди
АҚШнинг Нью-Йорк шаҳридаги Sotheby’s аукционида «Гас» лақабли «Tyrannosaurus rex» скелети 50 миллион долларга сотилди. Бу унинг дастлабки 20–30 миллион долларлик баҳосидан анча юқори.
Тираннозавр скелетининг ёши тахминан 67 миллион йил бўлиб, у 2021 йил Жанубий Дакота штатида топилган. Қазиш ишлари икки йил давом этган.
Қарийб 4 метр баландликка эга ушбу скелет 183 та суякдан иборат бўлиб, ҳозиргача топилган энг йирик ва энг тўлиқ тираннозавр қолдиқларидан бири ҳисобланади.
Нодир топилмани телефон орқали қатнашган номаълум харидор сотиб олган. Айрим олимлар бундай экспонатларнинг хусусий қўлларга ўтиши илмий тадқиқотлар учун имкониятларни чеклаши мумкинлигини таъкидламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter