Эрон президенти Масъуд Пезешкиён БМТ Бош Ассамблеясининг 81-сессиясида АҚШ президенти Доналд Трампнинг Эрон ҳақидаги баёнотларига жавоб қайтарди. У Трамп Эронни терроризм билан боғлаганини рад этиб, мамлакатнинг ўзи терроризм қурбони эканини билдирди.

Пезешкиён минбардан Эрондаги зарбалар оқибатида ҳалок бўлган болалар акс этган суратларни кўрсатди. У АҚШ ва Исроилни мактаб, спорт зали ва бошқа фуқаролик объектларига зарба беришда айблади.

«Биз фақат ўзимизни ҳимоя қилдик. Биз террорчи эмасмиз», – деди Эрон президенти.

У, шунингдек, мамлакатга зарба берилганини, аммо Эрон «тиз чўкмаганини» ҳам таъкидлаган.

Пезешкиённинг сўзларига кўра, Эрон ўз ҳарбий қудратини бошқа давлатларга ҳужум қилиш учун эмас, мамлакат мудофаасини таъминлаш учун ривожлантиряпти.

У ядровий дастур масаласига ҳам тўхталиб, Теҳрон ядровий қурол яратишни эмас, тинч мақсадлардаги ядровий технологиядан фойдаланишни кўзлаётганини айтди.

Эслатиб ўтамиз, Пезешкиённинг БМТ Бош Ассамблеясидаги нутқи, 23 сентябр куни, Трампнинг бир кун аввалги чиқишидан кейин янгради.