CNN: Россия ва АҚШ тарихий келишувга эришди
Россия ва АҚШ «тарихий миқёсдаги» маҳбусларни алмашиш бўйича келишиб олди, дея хабар бермоқда CNN.
CNN телеканали Оқ уйдаги юқори мартабали манбасига таяниб, Россия ва АҚШ кенг кўламли маҳбусларни алмашиш бўйича келишиб олганини маълум қилди – жараён аллақачон бошланган.
Каналнинг таъкидлашича, суҳбатдош айирбошлашда иштирок этган шахсларнинг исмларини келтирмаган.
Канал маълумотларига кўра, америкалик маҳбуслар тез орада АҚШга топширилади. Алмашинувда бошқа давлатлар ҳам иштирок этмоқда, дея қўшимча қилади канал. Унда Россия ва АҚШдан ташқари Германия ҳам иштирок этмоқда. Каналнинг таъкидлашича, алмашинув ўз миқёси туфайли «тарихий» воқеа бўлади.
Хабарларга кўра, алмашинувда Россияда қамоқда бўлган журналист Эван Гершкович, ҳарбий Пол Уиланлар ҳам бўлади. Россия томони 10 га яқин маҳбусни қайтариб олиши кутиляпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter