Канадада мактабдаги отишма оқибатида 10 киши ҳалок бўлди
Канаданинг Британия Колумбияси провинциясидаги Тамблер-Риж ўрта мактабида отишма содир бўлди. Камида 10 киши, жумладан, ҳужум қилган шахс ҳалок бўлган. Бу ҳақда CBC телеканали маълум қилди.
Ҳуқуқ-тартибот идоралари маълумотларига кўра, воқеа жойига етиб келган ходимлар мактаб биносида олти кишининг жасадини топган. Яна бир жабрланувчи шифохонага олиб кетилаётганда вафот этган. CBC’нинг аниқлик киритишича, икки марҳум бошқа жойдан топилган, тергов версиясига кўра, улар ҳам ушбу ҳодиса билан боғлиқ. Тахмин қилинаётган мерган ўлик ҳолда топилган.
Икки ярадор оғир аҳволда вертолётда шифохонага етказилган. Тахминан 25 киши маҳаллий тиббиёт муассасаларига мурожаат қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter