АҚШнинг биринчи хоними Мелания Трампнинг адвокатлари собиқ президент Жо Байденнинг ўғли Хантер Байденга унинг “туҳматли баёнотларини” қайтариб олиш учун расмий талаб юборди. Бу ҳақда аноним манбаларга таяниб, Fox News хабар берди. 

Август ойи бошида Хантер Байден 5-каналга берган интервьюсида бўлажак биринчи хонимни Доналд Трамп билан Жеффри Эпштейн таништирганини айтди. Эр-хотиннинг ўзлари 1998 йилда Ню-Йоркдаги Kit Kat клубида умумий дўстлари Паоло Замполли мезбонлик қилган зиёфатда учрашишганини бир неча бор айтишган. 

Адвокат Алежандро Брито Хантер Байденга мактуб йўллади, унда у “Трамп хонимга нисбатан ёлғон, туҳмат, камситувчи ва провокацион баёнотларини зудлик билан қайтариб олишини” талаб қилди, деб ёзади Fox News. АҚШ президентининг рафиқаси агар Хантер Байден ўз баёнотини рад этмаса, 1 миллиард доллар товон ундириш учун судга мурожаат қилмоқчи.

Шу билан бирга, ултиматум муддати 7 августда тугади, дея таъкидлайди телеканал.

Жеффри Эпштейн 2019 йилда бола савдосида айбланиб қамоққа олинган ва ҳибсда ўз жонига қасд қилганди.