Назарбоев қаерда эканига расман ойдинлик киритилди
Нурсултон Назарбоев айни пайтда Қозоғистон пойтахтида. Бу ҳақда унинг матбуот котиби Айдос Укибай маълум қилди.
Қайд этилишича, Н.Назарбоев президент Қосим-Жўмарт Тоқаев билан мулоқот қилиб турибди. Шунингдек, у бир қатор дўст давлатлар раҳбарлари билан телефонда сўзлашган.
«Элбоши мавжуд муаммоларни бартараф этиш ва мамлакат яхлитлигини таъминлаш учун барчани Қозоғистон президенти атрофида бирлашишга чақиради», – дейди Айдос Укибай.
Аввалроқ Марказий Осиё бўйича таҳлилчи Аркадий Дубнов ўз манбаларига таяниб Нурсултон Назарбоев Хитойда экани ҳақида ёзганди.
Бу орада собиқ президент Қозоғистонни тарк этиб, Россия, Қирғизистон ёки БААга йўл олгани хусусида тахминлар илгари сурилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter