АҚШ президенти Доналд Трамп маъмурияти Венесуэла президенти Николас Мадурони ағдариш учун учта ҳарбий вариантни тайёрлади. деб хабар беради The Daily Telegraph. Газетанинг таъкидлашича, улар Эрон ва Ироқдаги режим ўзгариши мисолларига асосланган. 

 Биринчи сценарий 1989 йилда Панамадаги воқеалар атрофида тузилган. Ўша пайтда АҚШ қўшинлари Панама ҳарбий қўмондони ва давлат раҳбари Мануэл Нориэга бошпана сўраган Ватикан элчихонасини ўраб олишган. У охир-оқибат таслим бўлган ва суд учун Флоридага олиб келинган. Мақолада таъкидланишича, бу стратегия Венесуэла пойтахти Каракас яқинидаги пляжларга десант қўнишини ёки вертолётлардан фойдаланишни ўз ичига олади. Бироқ, бу режанинг қийинлиги шундаки, АҚШнинг қуролли босқин учун трамплин сифатида ишлатилиши мумкин бўлган дўстона қўшни давлатлари йўқ. 

Иккинчи вариант узоқ масофали қуроллардан фойдаланишни ўз ичига олади. Минтақада тўпланган ҳарбий кучлар бу Трампнинг асосий режаси эканлигини кўрсатади. Газетанинг таъкидлашича, бу сценарий учун энг яқин тарихий ўхшашлик 2011 йилда Ливияга мамлакат раҳбари Муаммар Қаддафийни ағдариш учун қилинган ҳужумлардир. Бироқ, Венесуэлада "ҳокимиятни эгаллашни кутаётган" мухолифат йўқ, деб таъкидлайди The Daily Telegraph. 

Учинчи сценарий "Жосусларни юбориш" деб номланади. Газетанинг ёзишича, АҚШ аллақачон Венесуэлага разведка агентларини жойлаштирган. Бундай ҳаракатлар режасининг тарихий мисоли 1956 йилда АҚШ ва Буюк Британиянинг Эрон Бош вазири Муҳаммад Моссаддиққа қарши операцияси бўлиши мумкин.