АҚШ президенти Жо Байден ва Россия раҳбари Владимир Путиннинг учрашуви Вашингтоннинг РФга қарши санкциялар сиёсатига «ҳеч қандай ўзгартириш» киритмайди. Бу ҳақда Оқ уй матбуот котиби Жен Псаки маълум қилган.

Қонун Вашингтондан кимёвий қурол санкцияларининг мақсадларини кўриб чиқишни давом эттиришни талаб қилади, — дея таъкидлайди у.

Псаки 16 июн куни Женевада бўлиб ўтган саммитдан сўнг санкциялар бўйича «ҳеч нарса ўзгармаганлигини» таъкидлаган.

Эслатиб ўтамиз саммит чоғида Путиннинг ташқи сиёсат бўйича маслаҳатчиси Юрий Ушаков ҳам «Мен бирон бир келишувга эришилишига амин эмасман»,— дея таъкидлаган эди.

Сўнгги йилларда АҚШ-Россия муносабатлари энг қуйи поғонага тушиб кетгани айтилади. 2014 йил Қримнинг қўшиб олинишидан бошланган совуқ муносабатлар, Навалнийнинг заҳарланиши, киберҳужумлар фонида янада ёмонлашиб борди. Ҳар икки мамлакат ўз элчиларини чақириб олди. Бундан ташқари, Украина, Сурия можароларидаги турли ёндошув ҳам вазиятни кескинлаштирмоқда.