Путин кейинги йил сайловда қатнашишини эълон қилди
Россиянинг амалдаги раҳбари, мамлакатни 2000 йилдан бери бошқараётган Владимир Путин 2024 йилги президентлик сайловларида иштирок этишини маълум қилди.
Рус ОАВларига кўра, тан олинмаган ДХР парламенти спикери Артем Жога Путиндан сайловга боришни сўраган ва Россия президенти розилик билдирган.
Агар у ғалаба қозонса, бу Владимир Путиннинг давлат раҳбари сифатида бешинчи муддатга сайланиши бўлади.
2020 йилда Россия Конституциясига киритилган ўзгаришлар Путиннинг 2036 йилга қадар ҳокимиятда қолишини кафолатлайди.
Эслатиб ўтамиз, 7 декабр куни Россия Федерация Кенгаши 2024 йил 17 март куни президентлик сайлови бўлишини эълон қилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter