Қозоғистонлик каскадёрлар «Наполеон» фильмида суратга тушди
![Қозоғистонлик каскадёрлар «Наполеон» фильмида суратга тушди](https://xabar.uz/static/crop/4/0/920__95_4038829112.jpg)
Якунланаётган ҳафтада кинотеатрларда афсонавий режиссёр Ридли Скоттнинг «Наполеон» фильми намойиши бошланди. Кинокартинани тасвирга олишда Қозоғистоннинг «Nomad Stunts» каскадёрлари ҳам иштирок этган.
![](https://xabar.uz/static/uploads/67/8mCbHos6UZAnB7k3iuWK8XVSNGVq4pGl.png)
Қозоғистонлик каскадёрлар
Фото: Nomad Stunts/Facebook
«Nomad Stunts» раҳбари Жандарбек Кунғожиновнинг айтишича, уларни ушбу лойиҳага каскадёр Ник Пауэл тавсия қилган.
![](https://xabar.uz/static/uploads/67/720__qw9jNJ7uF5Upa_vGDr9zFo5rx5Tsgh9c.jpg)
Фото: Nomad Stunts/Facebook
Пауэл қозоғистонлик йигитлар билан Ҳиндистонда тасвирга олинган фильмда бирга ишлаган.
![](https://xabar.uz/static/uploads/67/720__BapYmF6XcYQ64PpIKABOQo3ik_qSt7ID.jpg)
Фото: Nomad Stunts/Facebook
«Nomad Stunts» каскадёрларидан бири Мурат Елкенов «Наполеон» фильмида актёр сифатида ҳам қатнашган бўлиб, уни ролга Ридли Скоттнинг ўзи танлаб олган. Қозоғистонликлар фильмда аскарлар ролини ижро этган.
![](https://xabar.uz/static/uploads/67/720__6p951POApkuAw1qPGr76HcURo_nW7_WU.jpg)
Фильмда бош ролларни Ҳоакин Феникс ҳамда Ванесса Кирби ижро этган. Кинокартина бюджети: 130–200 млн долларни ташкил этади. Буюртмачилар: «Columbia Pictures», «Apple Studios» ва «Scott Free Productions».
«Наполеон» — эпик тарихий фильм, режиссёр ва продюсер: Ридли Скотт. Сценарий муаллифи: Дэвид Скарпа. Кинокартинада Наполеон Бонапартнинг ҳокимият тепасига келиши ва унинг рафиқаси Жозефина билан муносабатлари ҳақида ҳикоя қилинади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter