Украина шарқидаги тан олинмаган ЛХР суди Россия Қаҳрамони, 74-алоҳида моторли милтиқ бригадаси қўмондони ўринбосари Ирек Магасумовни 11 йилга озодликдан маҳрум қилди. У қотиллик ва безориликда айбдор деб топилди. Ҳарбий ўз айбини тан олмаган. 

Тергов маълумотларига кўра, ўтган август ойида Магасумов Россия Қаҳрамони унвонини олганини Луганскда капитанлар Павел Яскевич ва Артур Пузанкевич билан бирга нишонлаган. Уларга икки қиз қўшилган, улардан бири тўппончадан отишни сўради. Отиш пайтида ўқ қизлардан бирига тегди.

Mash каналининг ёзишича, Магасумов маст ҳолда қизга ўқ узган. Шу билан бирга, капитан Яскевич дастлаб иқрорнома ёзган, аммо кейин гувоҳлик беришдан бош тортган. Иш юзасидан 12 та экспертиза тайинланган.

Иккинчи қиз эса қотилликни айнан Магасумов содир этганини айтди. Ҳимоячининг таъкидлашича, гувоҳ маст бўлгани учун вазиятни етарлича баҳолай олмаган. 

Магасумов Россия Қаҳрамони унвонидан маҳрум қилинди, аммо подполковник унвонини сақлаб қолди. Суд унга жазони қаттиқ тартибли колонияда ўташни буюрди.