Ҳужумлар тўлқини туфайли Украинада ҳалок бўлган рус аскарлари сони ортиб бормоқда. Март ойидаги Россия йўқотишлари ҳақида маълум қилинди.

Очиқ манбаларга асосланиб, BBC ва Медиазона нашри кўнгиллилар жамоаси билан биргаликда 2022 йилнинг февраль ойидан бери Украинадаги урушда ҳалок бўлган 46 678 нафар россиялик ҳарбийнинг исмларини аниқлашга муваффақ бўлди.

Охирги икки ҳафта ичида яна 1555 киши ҳалок бўлгани тасдиқланди, бу урушнинг барча ойларидаги энг юқори кўрсаткичлардан биридир.

Россия жанговар йўқотишларининг ҳозирги динамикасини ўтган қишда Донбассдаги рус кучларининг кенг кўламли ҳужуми пайтида қайд этган рақамлар билан солиштириш мумкин. Ўшанда, масалан, февраль ойининг 2 ҳафтасида 1679 кишининг ўлими тасдиқланган бўлса, ҳозир –  бироз камроқ.

Ҳарбийларнинг ўлими ҳақидаги хабарлар кўпинча қариндошларга кечикиб келганлиги сабабли, қайд этган йўқотишларнинг кўпайиши қисман Авдиевкага қилинган ҳужум оқибатлари билан боғлиқ.

Аммо, шунингдек, Донецк ва Луганск вилоятларида рус кучларининг ҳужумини ривожлантиришга уринишлар билан боғлиқ кейинги йўқотишлар ҳам бор.