АҚШ президенти Доналд Трамп Россия раҳбари Владимир Путин билан телефон орқали суҳбатлашди. 

АҚШ президенти Доналд Трамп New York Post газетасига Россия президенти Владимир Путин билан телефон орқали Украинадаги уруш ҳақида гаплашганини айтди.

Бу қачон содир бўлганлиги номаълум. Икки президент телефонда неча марта гаплашгани ҳақидаги саволга Трамп: «Буни айтмаганим маъқул», деб жавоб берди.

Владимир Путин, Трампнинг сўзларига кўра, «одамлар жанг майдонида ўлишни бас қилишини» истайди. АҚШ президенти, шунингдек, урушни қандай тугатиш бўйича аниқ режаси борлигини айтди.

АҚШ вице-президенти Ж. Венс келаси ҳафта Мюнхендаги хавфсизлик анжуманида Украина президенти Владимир Зеленский билан учрашади. Аввалроқ Трамп келаси ҳафта Зеленский билан учрашиши мумкинлигини айтганди.

АҚШ президенти, шунингдек, хавфсизлик кафолатлари эвазига ноёб тупроқ металлари ва бошқа ресурслар учун Зеленский билан 500 миллион долларлик шартнома тузмоқчи эканлигини айтди.