Трамп, Путин ва Зеленский учрашуви Будапештда ўтказилиши мумкин
Трамп, Путин ва Зеленский учрашуви Будапештда ўтказилиши мумкин, деб хабар берди Politico.
Хабарга кўра, Трамп маъмурияти Венгрия пойтахтини «саммит учун биринчи навбатдаги майдон» сифатида кўрмоқда, АҚШ махфий хизмати учрашувни ўтказишга тайёргарликни бошлаб юборган.
Маълумот учун: 1994 йилда Венгрия пойтахтида Украина, Россия, АҚШ ва Буюк Британия томонидан Будапешт меморандуми имзоланган. Унда Украинанинг ядро қуролидан воз кечиши эвазига имзолаган томонлар Украинанинг мустақиллиги ва мавжуд чегараларини ҳурмат қилиш мажбуриятини олган эди. Меморандумда, шунингдек, томонлар Украинанинг ҳудудий яхлитлиги ёки сиёсий мустақиллигига қарши куч билан таҳдид қилиш ёки уни қўллашдан ўзларини тийишлари кўзда тутилган. Ушбу ҳужжат асосида Украина собиқ иттифоқдан мерос ядро қуролларини Россияга топширган. Вақтлар ўтиб нималар юз берганини кўриб турибмиз.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter