Трамп Қозоғистон президентига Оқ уйнинг калитини совға қилди
Доналд Трамп Қозоғистон президенти Қосим-Жўмарт Тўқаевга Оқ уйнинг рамзий калитини, шунингдек, ўз дастхати туширилган бейсбол кепкасини топширди. Президент матбуот котиби Руслан Желдибай ўз телеграм-каналида икки давлат раҳбарларининг ноябр ойидаги учрашуви якунларини шарҳларкан, шу маълумотни ҳам келтирди.
Таъкидланишича, АҚШ президенти Қозоғистоннинг элчиси ишонч ёрлиғини тақдим этганидан сўнг, Тўқаевга аталган совғаларни унга топширган.
Трамп Тўқаевга илиқ тилакларини йўллаган, уни «халқаро жараёнларни чуқур ва вазмин тушунадиган ажойиб инсон ва тажрибали давлат арбоби», дея таърифлаган.
Тўқаев ноябр ойи бошида Вашингтонга амалий ташриф билан борган ва Трамп билан музокаралар ўтказган, шунингдек, «C5+1» саммитида (Қозоғистон, Тожикистон, Ўзбекистон, Қирғизистон ва Туркманистон плюс АҚШ) иштирок этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter