АҚШ Махфий хизмати вакиллари Оқ уй атрофида хавфсизлик чоралари кучайтирилганини тасдиқлади ва бунга сиёсий фаол Чарли Киркнинг ўлдирилиши сабаб бўлганини айтишди. Бу ҳақда РИА "Новости" хабар берди. 

 АҚШ Махфий хизматининг бошқа вакиллари эса Оқ уй атрофидаги чекловлар вақтинчалик эканлигини айтишди. Чекловлар шу ҳафтада бекор қилиниши мумкин. 

Бугун The Wall Street Journal АҚШ Махфий хизмати АҚШ президенти Доналд Трампни ҳимоя қилиш чораларини кучайтириши ҳақида хабар берди. Washington Post газетаси Оқ уй атрофида ҳимоя иншоотлари ўрнатилганини ёзган. 

Консерватив фаол Чарли Кирк 10 сентябр куни Юта университети кампуси ҳовлисида нутқ сўзлаётган пайтда отиб ўлдирилган, ўқ бўйнига теккан, натижада фаол шифохонада вафот этган.

АҚШ президенти Доналд Трамп Чарли Киркнинг ўлдирилиши муносабати билан мамлакат бўйлаб байроқларни туширишни буюрди, АҚШ вице-президенти Ж.Д.Вэнс эса марҳумнинг оиласи билан учрашиш учун Ню-Йоркка режалаштирилган сафарини бекор қилди.