Буюк Британия судида бир қиз АҚШ Президенти Доналд Трампнинг кичик ўғли Бэррон унинг ҳаётини сақлаб қолганини маълум қилди. Бу ҳақда Metro нашри хабар берди.

Қайд этилишича, қиз Лондон судида собиқ йигити томонидан унга қилинган ҳужумга Бэррон Трамп гувоҳ бўлиб, уни қутқарганини айтган.

Ҳодиса 2025 йил 18 январь куни содир бўлган. Нашр маълумотларига кўра, 19 ёшли Бэррон Трамп қиздан келган видеоқўнғироққа жавоб берган ва унда 22 ёшли собиқ йигити — Максим Румянцев (журналистлар уни россиялик деб аташган) қизга қўл кўтараётганини кўрган.

Шундан сўнг Бэррон Трамп Буюк Британиянинг 999 қутқарув хизматига қўнғироқ қилиб, ҳолат ҳақида хабар берган ва ёрдам сўраган.

Қизнинг манзилини айтган ҳолда, у шундай деган: «Бу ҳақиқатан ҳам фавқулодда ҳолат. Илтимос. У менга қўнғироқ қилди ва қандайдир эркак уни ураётганини айтди».

Судда чақирув бўйича етиб келган полиция ходимларининг боди камераларида ёзиб олинган видеолар намойиш этилган. Кадрларда офицерлардан бири ҳамкасбига шундай дегани эшитилади: «Хабар берувчи Америкадан, эҳтимол Дональд Трампнинг ўғли».

Нашр аниқлашича, Румянцев жабрланувчи қизни Бэррон Трампга рашк қилган.