Юртдошларини қулликка гирифтор қилган самоалик раҳнамо 11 йилга «кесилди»
Янги Зеландия суди миллатдошларини қулликка мажбурлагани учун самоалик сардорни 11 йил қамоқ жазосига ҳукм қилди, дея хабар берди маҳаллий «Stuff» портали.
Тергов натижаларига кўра, 66 ёшли Жозеф Матамата 24 йил давомида самоалик фуқароларни яхши маошли ишга қизиқтириб Янги Зеландияга чорлаган. Аслида полинезиялик муҳожирлар Матаматанинг уйи ва фермасида ҳар куни текинга ишлашга мажбур қилинган. Бўйин товлаганлар эса аёвсиз калтакланган.
Суд жараёнида Матамата Самоа матаи сардори унвонига эга эканлиги кўплаб кишиларнинг алданиб қолишига сабаб бўлгани аниқланди.
Матамата, шунингдек, ўзининг 13 нафар «ўлжа»сига компенсация сифатида 183 минг Янги Зеландия доллари (122 минг АҚШ доллари) тўлаб беришига тўғри келади. Уларнинг энг кичиги Янги Зеландияга келганида бор-йўғи 12 ёшда бўлган.
Матамата иши Янги Зеландия тарихида қулдорликка оид биринчи суд жараёни бўлди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter