Зеленский Авдеевка нега бой берилганини изоҳлади
![Зеленский Авдеевка нега бой берилганини изоҳлади](https://xabar.uz/static/crop/2/6/920__95_2678194819.jpg)
Украина қўшинлари қуршовда қолиш хавфи туфайли Авдеевкани тарк этди, деди мамлакат президенти Владимир Зеленский Мюнхен хавфсизлик конференциясида сўзлаган нутқида.
«Қуршовда қолмаслик учун бошқа йўналишларга чекинишга қарор қилинди», деди Зеленский. Унинг таъкидлашича, бу қарор аскарлар ҳаётини сақлаб қолиш заруратидан келиб чиққан ҳолда мантиқийдир.
Президент, шунингдек, Украина учун муаммолар «қурол танқислиги» — артиллерия ва узоқ масофали қуроллар етишмаслиги туфайли юзага келганини қўшимча қилди.
Аввалроқ узоқ вақт давом этган қаттиқ жанглардан кейин Авдеевка шаҳарчасини руслар эгаллагани ва бу ҳудуд қандай стратегик аҳамиятга эга экани маълум қилинганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter