Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Asalhoney»нинг қотили уни қандай ўлдирганини гапириб берди

«Asalhoney»нинг қотили уни қандай ўлдирганини гапириб берди

Ижтимоий тармоқларда «Asalhoney» номи билан машҳур бўлган инста-блогернинг қотиллигида гумондор қўлга олинди. 

У Каримберган исмли шахс бўлиб, Хоразм  вилояти туғилган. Гумонланувчи ҳодиса қандай юз берганини сўзлаб берди, деб хабар қилмоқда «Bu kun».

Қотил 25 ёшда бўлиб, у 2021 йил ёз ойида Асал Хўжаева билан танишган. Сўнгра у билан учрашиш учун 300 АҚШ долларига келишган. Лекин бу пул унда йўқлиги боис, 2022 йил февралида яна қўнғироқ қилиб, моддий шароитини тушунтиради. Хўжаева эса уни ҳақорат қилган. Каримберган эса Хўжаеванинг яшаш манзилини кузатиб борган. 

Сўнг унинг уйига бостириб кириб, пичоқ билан қорин соҳасига зарба берган ва бўғиб ўлдирган. Шунингдек, хонадондаги 31 миллион сўм, Хўжаеванинг банк картасидаги бир миллион сўмдан зиёд пулни қўлга киритган. Бундан ташқари, эрталабгача хонадонда қолиб, бу пулларни онлайн қимор ўйинларига сарфлаган. 

Маълумотларга кўра, Асал Хўжаеванинг мурдаси ўлдирилгандан бир кун кўп ва уч кундан кам муддатда аниқлангани айтилган. 

Ҳозирда айбланувчига нисбатан ЖКнинг 97-моддаси 2-қисми билан айблов эълон қилинган. 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг