«Дамас» устида ўзини кўз-кўз қилганлар суд олдида жавоб берадиган бўлди
![«Дамас» устида ўзини кўз-кўз қилганлар суд олдида жавоб берадиган бўлди](https://xabar.uz/static/crop/1/5/920__95_1507680054.jpg)
Бухоро вилояти ИИБ ЖХХ ЙҲХБ Ахборот хизмати бошлиғи капитан Улуғбек Шукурлаевнинг «Xabar.uz»га билдиришича, «Дамас» устида ҳаётини хавфга қўйиб, ўзини кўз-кўз қилган ёшлар хатти-ҳаракати судда кўриб чиқилади.
Таъкидланишича, ижтимоий тармоқларда ҳавонинг иссиқ кунида 2 нафар ўғил боланинг ўзини кўз-кўз қилган ҳолда, етмаганига, орқа йўналишдан келаётган автомашиналар ҳайдовчиларига қўл силкиб, оёқларини осилтирган кўйи «Дамас» автомашинаси уст юкхонаси устида кетаётгани видеоси тарқалган.
Ромитан тумани ҳудудидан ўтувчи А-380 автомобиль йўлининг 236-километрида Дамас русумли 80 Р 416 WА давлат рақам белгили транспорт воситаси билан боғлиқ бўлган ведео тасвир бўйича Бухоро вилояти ИИБ ЖХХ ЙҲХБ томонидан суруштирув ҳаракатлари олиб борилган.
«Хавфлилик даражасини билиб туриб, ўзини кўз-кўз қилган ҳолда ўз ҳаётини хавфга қўйиб, «Дамас» уст темир юкхонаси устида манзилга қараб борган ёшларнинг хатти-ҳаракатини оқлаш қийин. Ёшлик – бевошликни ўзи ва ўзгалар ҳаётини хавфга қўйиш билан тенглаштирмаслик керак.Мазкур транспорт воситаси жарима майдонига жойлаштирилди.Бундан ташқари, ҳайдовчи У.Ш. ҳамда 20 йигитлар — С.И. ҳамда Ж.Р.ларнинг хатти-ҳаракати эса судда кўриб чиқилади», — деди Улуғбек Шукурлаев.
Айни пайтда ҳолат юзасидан вилоят ИИБ ЖХХ ЙҲХБ томонидан қўшимча суруштирув ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter