Самарқандда кўчани яп-яланғоч айланган эркаклар ушланди. Улар нега бундай қилишди? (видео)
Бугун, 1 март куни ижтимоий тармоқларда кўчада яланғоч ҳолда юрган эркакларнинг видеолавҳаси тарқалди.
Видеода икки яп-яланғоч эркакнинг Самарқанд шаҳри кўчасида юриб бораётгани, сўнг омма томонидан ушлаб олиниб, сўроқ қилингани акс этган.
Воқеа 29 февраль куни тунги соат 23:50 атрофида Самарқанд шаҳри, Сартепо масканида содир бўлган.
Самарқанд вилояти ИИБ ахборот хизмати хабарига кўра, тартиббузарларнинг шахси аниқланган. Қуйидаги видеода бу шахслар нега бундай йўл тутишганини ва бу ҳолатдан чин кўнгилдан пушаймон эканини билдириб, кечирим сўрашган.
Ҳолат юзасидан Ўзбекистон Республикаси Маъмурий жавобгарлик тўғрисидаги кодекснинг 183-моддаси (майда безорилик) билан маъмурий баённома расмийлаштирилди.
Мазкур ҳолат юзасидан тегишли суд органи қарор қабул қилгандан сўнг, оммавий ахборот воситалари орқали кенг жамоатчиликка қўшимча хабар қилиниши айтилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter