Ички ишлар вазири Қаршидаги даҳшатли қотилликка нима сабаб бўлганини айтди
Маълумки, бугун Қарши шаҳрида спорт устаси Элбек Раҳимовнинг ўлими юзасидан матбуот анжумани ўтказилмоқда.
Унда қатнашаётган Ички ишлар вазири Пўлат Бобожоновнинг маълум қилишича, ички ишлар ходимларига 102 орқали жиноят ҳақида хабар соат 9:49 да келиб тушган. Ходимлар воқеа юз берган жойга хабар тушгандан сўнг, 21 дақиқа ўтиб, соат 10:10 да етиб борган ва иш бошлаган. Шунингдек, тергов гуруҳи ҳам етиб борган.
Қайд этилишича, жиноят ташкилотчиси экани айтилаётган З. Б. 18 август куни Чироқчи туманидаги яшириниб ётган жойидан соат 17:05 да топилган. Унинг отаси ўз укасининг хотинини ўлдириб, ҳозир қамоқда ўтирибди.
«Бу икки гуруҳ ўртасидаги жанжал мусобақадаги келишмовчиликдан бошланган. Бирининг укаси, яна бирининг шогирди баҳслашган. Бири ютган, бири ютқазган. Шундан келишмовчилик бошланган, лекин ҳеч кимга хабар берилмаган»,— дейди ички ишлар вазири.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter